Gauerdiko balkoia

gauerdiko balkoia

gartzot — Fri, 12 Jan 2007 08:57:24 -0800

jauzia; euskaraz eta egunero!Zita bat duzu gauero Aiaraldeko informazioarekin. Irratiaren traste guztiak hartu eta gauerdiaren bueltan balkoira ateratzen gara, eguraldiaren gorabeherei aurre egin eta egunean zehar bildutako informazio guztia zuenganatzeko helburuarekin. Gure balkoia leku ezin hobea da gure inguruneko panoramari begirada botatzeko.

Gauerdiko balkoia Uhinaken erredakzio lan-taldeak aurrera ateratzen duen irratsaioa da. Saio kolektiboa beraz, informazioaren trataera eta zabaltze eredu berri batean sinisten duen taldeak egina.

Bi ataletan banatuta datorkigu Gauerdiko Balkoia. Lehen zatian albisteen birpasa egiten dugu, aiaraldean egunak eman dituenak zuenganatuz, betiere ikuspuntu kritikoz. Urrunago ere joaten gara lehenengo zatian, gairik interesgarrienak hartu eta protagonistei elkarrizketasakonak eginda.
Saioaren bigarren zatia aisia eta kulturari eskainia dago oso-osorik. Gure kolaboratzaile sare luzeak egunero gai berri baten inguruan hitzegiten digu. Mendi-ibilbideak, zinema, literatura, musika, osasuna eta teknologia berriak. Aukera paregabea gustuko duzun gai horren inguruan gehiago jakin eta ezezaguna zaizun horretan gauza berriak ikasteko. Unai, Axular, Txetxu, Gaizka, Xabi, Unai eta Koldo prest daude dakiten guztia zuenganatzeko. Eta zure eguneroko aisialdia nola bete ez badakizu, Gauerdiko Balkoiaren agenda adi entzutea besterik ez daukazu, Aiaraldeko zitarik garrantzitsuenen birpasa egiten baitizugu gauero.

Gauerdiko Balkoian ostegunak itxuraldatuta datozkigu, asteko tertuliaren txanda iristen baita gurera. Goi mailako solaskideek astean zehargure ingurune hurbilean izan diren berri garrantzitsuenen inguruan eztabaidan ariko dira. Informazioa aletu, atzean dauden arrazoietan sakondu eta gure iritzi propioak sortzeko elementuak geureganatzen dizkigute. Patxadazko solaserako tartea Uhinak irratian.

Gauerdia gainean dugula lo egiteko garaia ere iritsi zaigu. Ohean goxo-goxo gaudela begiak itxi eta gure balkoitik lotarako ipuina kontatuko dizugu. Gabon eta ondo lo egin!

Irakurri gehiago

Jose Paulo Ulibarri Okondoko idazlea mintzagai Gauerdiko Balkoian

xabi — Thu, 05 Jun 2008 23:35:59 -0700

Ostegun gauean Jose Paulo Ulibarri idazle eta euskaltzale okondoarra izan dugu hizpide Gauerdiko Balkoian.

Irakurri gehiago

Mara-ren diska berria, azteazkenean gauerdiko balkoian

alb — Fri, 15 Feb 2008 12:12:24 -0800

igor

Gaur eguerdian Laudioko Basalarrina Euskal Topagunean, Igor Arzuagak "Mara" izeneko proiektu musikala aurkeztu du. Proiektu berri honen lehenengo diska "lagun eroa" deitzen da eta piano eta ahotsa batzen ditu.

Berarekin lasai eta luze hitzegiteko aukera izango dugu hurrengo azteazkenean, otsailak 20, gauerdiko balkoian. Bertan itxaroten zaituztegu!

Irakurri gehiago

Gauerdiko Balkoiaren itzulera hurbil dago

mikel — Thu, 04 Oct 2007 04:02:08 -0700

Opor luzeen ondoren (bai, gure entzule fidelenei seguru luzeegiak irudituko zitzaizkiela, baina aizue, atsedena behar genuen...) Gauerdiko Balkoiaren denboraldia hasteko gertu dago. Azken ukituak ematen ari gara eta berrikuntzaren bat edo besteren berri eman behar dizuegu.

Irakurri gehiago

Pog Mo Thon taldearen diska bat irabaz dezakezu

mikel — Thu, 01 Mar 2007 03:29:24 -0800

Pog Mo ThonGauerdiko Balkoian eskuzabal gabiltza. Amurrioko Antzokian Artea antzezlana ikusteko bi sarrera banatu ondoren, bi diska banatuko ditugu aste honetan. Pog Mo Thon taldearen diskak dira eta ostiral honetan zuzenean joko dute Laudioko taberna ezagun batean. Taberna horren izena zein den badakizu, e-maila bidali eta diska bat eramateko aukera izango duzu. gauerdikobalkoia arroba uhinak.net. Osteguneko irratsaioan emango ditugu irabazleen izenak.

Irakurri gehiago

Antzerkira joateko bi sarrera lor ditzakezu Gauerdiko Balkoiaren lehiaketarekin

mikel — Wed, 21 Feb 2007 14:11:57 -0800

Gure balkoiaDatorren otsailaren 25ean, igandea, arratsaldeko 19:00etan Artea antzezlana ikusteko aukera izango dugu Amurrio Antzokian. Txalo produkzioak taldeak ekoiztutako lan hau ikusteko bi sarrera irabaz ditzakezu, nahi duzun lagunarekin lan hau ikustera joateko.

Irakurri gehiago

Arabako bertso txapelketaz arituko gara Gauerdiko Balkoian

mikel — Tue, 20 Feb 2007 06:36:36 -0800

Gure balkoiaIzar Mendiguren izango da gure gaurko gonbidatua Gauerdiko Balkoian. Bertsolari laudiarrak asteburu honetan Amurrion hasiko den Arabako Bertso Txapelketaz hitzegingo digu. Sorpresarik ere ez da faltako gaurkoan...

Irakurri gehiago

Urtarrilaren 15eko Gauerdiko Balkoian Mikologika elkarteak ireki duen Zientzia Naturalen aretoaren berri

mikel — Mon, 15 Jan 2007 04:46:14 -0800

Gaur gauean 22:30etatik aurrera Gauerdiko Balkoian Laudioko Mikologika elkarteko lehendakari Javi Mateorekin elkarrizketa izango dugu. Larunbatean Laudioko Museo Gastronomikoan inauguratu zuten Zientza Naturalen aretoaren inguruan hitzegingo digu.

Irakurri gehiago