Gauerdiko balkoia

Hementxe duzue asteazken honetako Gauerdiko Balkoia irratsaioa entzun edo jaisteko aukera. Gure inguruko berriak, EAE-ANVko zinegotzi Josu Zabalarekin elkarrizketa, zinemaren gaineko tartea, agenda oharrak, lotarako ipuina... zuzenean entzuterik izan ez baduzu ez galdu aukera hau!

Hementxe duzue astearte honetako Gauerdiko Balkoia irratsaioa entzun edo jaisteko aukera. Denboraldi berriko lehenengo emanaldia!!! Gure inguruko berriak, teknologia berrien gaineko tartea, agenda oharrak, lotarako ipuina... ez galdu aukera hau!

Udaberriko balkoiaGure eskualdean hirigintza kontuak puri-purian daudela-eta (Artziniegako arau subsidiarioen berrikuspena, Laudioko Hirigintza antolamendurako plan berria...) Lurra elkarteko bozeramaile Alberto Frias gonbidatu dugu gure balkoira, gai hauen inguruan bestelako ikuspegi bat eman diezagun.

Juanjo Hidalgo historialariak Untzuetako mendian aurkitutako Erdi Aroko gazteluaren arrastoen inguruan hitzegin zigun eta honen gainean mintzatzeko prestatu dituzten jardulnaldiez. Zuzenean entzuterik izan ez bazenuen... orain klik batean zure eskura!

Laudioko udalak herriko Mapa Toponimikoa kaleratu duela aprobetxatuz, Felix Mugurutza historialari eta hizkuntzalaria gonbidatu genuen Gauerdiko Balkoira, maparen inguruko xehetasunak komentatzeko asmoarekin. Berarekin izandako solasaldia entzun dezakezue hemen.

Txirrindularitzaren denboraldi berria hasi dela aprobetxatuz, Iñaki Isasi txirrindulari aiararra gonbidatu genuen Gauerdiko Balkoira. Orain lesionatuta badago ere, urte honetarako dituen erronkez hitzegin digu eta denboraldi honetan garaipenen bila jo eta su arituko dela azaldu digu. Hemen daukazue elkarrizketa osorik.

Gazte mugimenduko kide Eriken bitartez, aste honetan zehar "Euskal gazteria aurrera, Gartzen aurrera" lemapean burutzen ari diren ekimenaren berri jaso genuen. Ekimen honen zergatiaz eta prestatutako egitarauaz gehiago jakin nahi baduzu, elkarrizketa entzutea besterik ez daukazu.

Andere Abesbatzak hamasei urte bete ditu eta diska grabatu du hainbat abestirekin. Emakumeek osatzen duten abesbatza honetako kidea den Asun Irazabalekin izan gara solasean eta beren ibilbidearen zein aurrera begirakoen inguruan hitzegin digu. Hementxe daukazu elkarrizketa interesgarri hau entzuteko aukera.

Atzoko Gauerdiko Balkoian Jose Jabier Iñigo Haimaka TB elkarteko kidea elkarrizketatu genuen. Elkarte honek Euskal Autonomi Erkidegoan tokiko hamabost telebista digital sortzeko proiektua garatzen ari da.

Dakizuen bezala ostegun gauetan Gauerdiko Balkoian tokiko informazioa jorratzen duen tertulia izaten dugu. Aste honetakoa entzuteko aukerarik izan ez baduzue, hemen duzue orain aukera Andoni eta Oihana solaskideak gure inguru hurbileko gaien inguruan hizketan entzuteko. Bestalde, antzerkira joateko sarreren lehiaketak badu irabazlea: Ainize. Zorionak!!